لاہور: پاکستان مسلم لیگ (ن) کے صدر و قومی اسمبلی میں قائد حزب اختلاف شہباز شریف اور مسلم لیگ قائداعظم (ق) کے پنجاب کے صدر و سپیکر پنجاب اسمبلی چوہدری پرویز الٰہی کی ملاقات تاخیر کا شکار ہے۔
نجی نیوز چینل کے مطابق شہبازشریف نے چوہدری برادران کو اپنے گھر عشائیے کی دعوت دے رکھی ہے اور انہوں نے عشائیے کی دعوت گزشتہ ہفتے دی تھی۔ شہباز کی دعوت پر مسلم لیگ ق کی قیادت تاحال فیصلہ نہ کرسکی۔ شہبازشریف نے چوہدری پرویزالٰہی اور مونس الٰہی کو اپنے گھر کھانے پر مدعو کیا تھا جس پر چوہدری برادران نے دو روز میں دعوت کی تصدیق کا وعدہ کیا تھا لیکن انہوں نے ابھی تک شہباز شریف کی دعوت قبول نہیں کی۔
