گجرات:تھانہ صدر لالہ موسیٰ پولیس، فرانس پلٹ فیملی کو گن پوائنٹ پرلوٹنے والاملزم گرفتار،
رقم مبلغ 15لاکھ روپے اور واردات میں استعمال ہونے والااسلحہ برآمد۔
تفصیلات کے مطابق مسمی عطاء الہی ولد ریاست خاں ساکن کھاریاں نے صدر لالہ موسیٰ پولیس کو اطلاع دی۔
کہ میں بیرون ملک فرانس میں محنت مزدوری کرتا ہوں مورخہ27.10.2022کو اپنی فیملی کے ساتھ پاکستان آیاہوں،ائیرپورٹ سے گھر جاتے ہوئے چک سکندر روڈسروانی چوک کے مقام پرنامعلوم ملزمان نے ہماری گاڑی کو روک کرگن پوائنٹ پر ہم سے قیمتی سامان اور نقدی چھن لی تھی۔ ڈی پی او گجرات سید غضنفر علی شاہ نے اس واقع کا فوری نوٹس لیا ۔
اور اس واردات میں ملوث ملزمان کی گرفتاری کیلئے ڈی ایس پی لالہ موسیٰ سرکل، ایس ایچ او تھانہ صدر لالہ موسیٰ اور دیگر پولیس ملازمان کے ہمراہ پولیس ٹیم تشکیل دی۔جنہوں نے پیشہ وارانہ صلاحیت کو بروئے کار لا کر جدید سائنسی ٹیکنالوجی کی مدد سے ڈکیتی کی واردات میں ملوث ملزم عمر فاروق ولد فاروق عالم سکنہ گوجرانوالہ کو گرفتار کر لیا۔ گرفتار ملزم کے قبضہ سے لوٹی ہوئی رقم مبلغ 15لاکھ روپے اور واردات میں استعمال ہونے والا اسلحہ برآمد کر لیاگیا۔جبکہ ملزم سے مزید تفتیش جاری ہے،مزید انکشافات متوقع ہیں۔
ترجمان گجرات پولیس
