پنجاب میں ڈھائی کروڑ سے زائد گاڑیاں جبکہ لائسنس صرف45 لاکھ لوگو ں کے پاس ہے، شہری شناختی کارڈ پر ٹریفک لائسنس حاصل کر سکتے ہیں

لاہور(نامہ نگار)آئی جی پنجاب پولیس ڈاکٹر عثمان انورکی ہدایت پر ٹریفک لائسنس اجرا کے عمل کو پیپر لیس کردیاگیا۔

نجی نیوز چینل کے مطابق آئی جی پنجاب نے ٹریفک لائسنس اجرا اور حصول کیلئے فائل سسٹم ختم کرنے کا اعلان کر دیا،آئی جی پنجاب نے کہاہے کہ شہری اب صرف شناختی کارڈ پر ٹریفک لائسنس حاصل کر سکتے ہیں ۔

ڈاکٹر عثمان انور کاکہناتھا کہ انٹرنیشنل ڈرائیونگ لائسنس کیلئے پاسپورٹ کا ہونا ضروری ہے ،ڈرائیونگ ٹیسٹ شہری اپنی گاڑی میں بھی دے سکیں گے ،کسی دستاویز کی کاپی ساتھ لے جانے کی ضرورت نہیں ، ان کاکہناتھا کہ پنجاب میں ڈھائی کروڑ سے زائد گاڑیاں جبکہ لائسنس صرف45 لاکھ لوگو ں کے پاس ہے ۔