اسلام آباد (نئی دنیا)عوام کو پاسپورٹ جلد ملے گا ، پاسپورٹ اجرا سے متعلق پاسپورٹ امیگریشن ڈاریکٹوریٹ نے نئی ہدایت جاری کردی ہیں۔ترجمان پاسپورٹ امیگریشن ڈاریکٹوریٹ کا کہنا ہے کہ پاسپورٹ ڈلیوری ٹائم میں کمی کردی گئی، نارمل درخواست والا پاسپورٹ اب 10 روز میں درخواست گذاروں کو ملے گا، ارجنٹ پاسپورٹ 4 روز اور فاسٹ ٹریک درخواست کے حامل پاسپورٹ صرف 2 دنوں میں ملے گا۔ڈی جی پاسپورٹ کے احکامات پر ملک سمیت دنیا بھر میں پاکستانی قونصلیٹس کو ہدایات جاری کردی گئی ہیں،عوام کی سہولت کے لئے پاسپورٹ اجرا جلد سے جلد کرنے کی ہدایت ہے۔اس سے قبل نارمل پاسپورٹ 14 روز، ارجنٹ 7 روز اور فاسٹ ٹریک والا 4 روز میں ملتا تھا۔
