لاہور(نئی دنیا) پاکستان تحریک انصاف کے چئیر مین عمران خان کی گرفتاری کے بعد مشتعل کارکنان نے کور کمانڈر ہاوس لاہور کا رخ کر لیا ، سوشل میڈ یا پر سامنے آنے والی ویڈیوز میں دیکھا جا سکتا ہے کہ پی ٹی آئی کارکنان نے کور کمانڈر ہاوس لاہور میں گھس کر توڑ پھوڑ بھی کی ۔
کور کمانڈر ہاؤس لاہور
کہاں پہنچا دیا میرے ملک کو
pic.twitter.com/U9FpXKDG45— Imran Khan (@ImranRiazKhan) May 9, 2023
تفصیل کے مطابق نیب نے عمران خان کو اسلام آباد ہائیکورٹ کے احاطے سے آج دوپہر ڈرامائی انداز میں حراست میں لیا۔عمران خان آج مختلف مقدمات میں پیشی کیلئے اسلام آباد میں موجود تھے، عمران خان بائیومیٹرک کروانے کیلئے وہیل چیئر پر کمرے میں گئے تو پیچھے سے رینجرز نے کارروائی کرتے ہوئے کمرے کا دروازہ توڑا اور عمران خان کو گرفتار کرتے ہوئے اپنے ساتھ لے گئے۔
لاہور کور کمانڈر ہاؤس کے تازہ ترین مناظر#نکلو_خان_کی_زندگی_بچاؤ pic.twitter.com/RfnSAcXznp
— Rubab Hayat (@shuglisam) May 9, 2023
اس کے بعد ملک کے مختلف شہروں میں تحریک انصاف کے کارکنان کی جانب سے احتجاج کا سلسلہ جاری ہے ۔اب سوشل میڈ یا پر سامنے آنے والی چند ویڈیوز میں دیکھا جا سکتا ہے تحریک انصاف کے مشتعل کار کنان کور کمانڈر ہاوس لاہور میں گھس گئے ہیں جہاں انہوں نے توڑ پھوڑ بھی کی اور شدید نعرے بازی کی ۔مشتعل کارکنان نے کور کمانڈ ہاوس کے باغ میں رکھے گملے اور کھرکیاں توڑ دیں۔
عوام کور کمانڈر ھاؤس لاھور میں داخل pic.twitter.com/n5TsE0sFEq
— Asad Kharal (@AsadKharal) May 9, 2023
اس دوران کارکنان مختلف نعرے بھی لگاتے رہے اور کہتے رہے کہ عمران خان ہماری ریڈ لائن ہے اور یہ ہماری ریڈ لائن کراس کرنے کا نتیجہ ہے۔
