ڈنگہ (سلیم اختر بٹ ) گجرات پولیس تھانہ ڈنگہ نے چوری و ڈکیتی کی وارداتوں میں مطلوب چار ملزمان کو گرفتار کرلیا۔
3لاکھ13ہزار روپے نقدی،2موٹر سائیکل اور وارداتوں میں استعمال ہونے والا اسلحہ3 پسٹل 30بور برآمد۔
تفصیلات کے مطابق تھانہ ڈنگہ اور گردو نواح کے علاقہ میں ہونے والی چوری،ڈکیتی اور راہزنی کی وارداتوں کو ٹریس کرنے اور ملزمان کی گرفتار ی کیلئے ڈی پی او گجرات احمد نواز شاہ نے ڈی ایس پی کھاریاں کی زیر نگرانی ایس ایچ او تھانہ ڈنگہ بشارت احمداور دیگر تجربہ کارپولیس ملازمین پر مشتمل خصوصی ٹیم تشکیل دی۔جنہوں نے انتہائی محنت سے جدید ٹیکنالوجی اور پیشہ وارانہ مہارت کو بروئے کارلاتے ہوئے چوری ڈکیتی اور راہزنی کی وارداتیں کرنے والے چار ملزمان کوخصوصی آپریشن کرکے گرفتار کرلیا۔گرفتار ملزمان میں 1۔جنید سرور سکنہ خوجہ 2۔عمر فاروق 3۔ رضوان شاہ سکنائے پنجن کسانہ4۔ سفیان جاوید سکنہ امرہ کلاں شامل ہیں۔ جن سے دوران انٹیروگیشن 3لاکھ13ہزار روپے نقدی۔2موٹرسائیکل اور وارداتوں میں استعمال ہونے والا اسلحہ3 پسٹل 30بور برآمد ہوا جبکہ ملزمان سے مزید تفتیش جاری ہے۔
ترجمان گجرات پولیس۔
