(ریذیڈنٹ ایڈیٹریورپ حمید چوہدری)
مارچ 2024 سے بلغاریہ اور رومانیہ شینگن زون کا حصہ ہیں۔
کئی سالوں کے مذاکرات کے بعد یورپی بلاک نے مشرقی ریاستوں بلغاریہ اور رومانیہ کے شینگن زون سے الحاق کی منظوری دے دی ہے۔ فضائی اور سمندری نگرانی اگلے سال مارچ سے ختم ہو جائے گی۔
مشرقی یورپی ممالک بلغاریہ اور رومانیہ مارچ سے جزوی طور پر 27 رکنی یورپی یونین کے ویزا فری شینگن زون کا حصہ بن سکیں گے۔ اس کا باضابطہ اعلان یورپی کونسل نے ہفتہ 30 دسمبر کو کیا۔
رومانیہ کی حکومت نے اعلان کیا کہ رومانیہ اور بلغاریہ آسٹریا کے ساتھ کیے گئے ایک معاہدے کے مطابق مارچ 2024 میں، بحری اور ہوائی راستے سے یورپ میں آزادانہ نقل و حرکت کے تحت شینگن میں شامل ہو جائیں گے
رومانیہ اور بلغاریہ شینگن میں شامل ہوں گے۔
رومانیہ کی حکومت نے اعلان کیا کہ رومانیہ اور بلغاریہ آسٹریا کے ساتھ کیے گئے ایک معاہدے کے مطابق مارچ 2024 میں، بحری اور ہوائی راستے سے یورپ میں آزادانہ نقل و حرکت کے تحت شینگن میں شامل ہو جائیں گے۔
رومانیہ کے وزیر اعظم مارسل کیولاکو فیس بک پر ایک بیان میں کہا:
انہوں نے کہا کہ اس معاملے پر ہمارا سیاسی معاہدہ ہےرومانیہ بالآخر 13 سال بعد شینگن میں شامل ہو جائے گا ۔
گزشتہ روز شائع ہونے والے اپنے بیان میں، رومانیہ کی وزارت داخلہ نے اعلان کیا کہ ان تینوں ممالک کے درمیان ہونے والے معاہدے کے مطابق، مارچ 2024 تک شینگن علاقے کی توسیع فضائی حدود کو شامل کرنے کے حوالے سے ایک “سیاسی معاہدہ” طے پا گیا ہے۔
اگلے سال ہونے والے مذاکرات میں زمینی سرحدیں کھولنے کا معاملہ زیر بحث آئے گا۔
آسٹریا نے ایک سال قبل ہونے والی ووٹنگ میں شینگن کے علاقے میں دونوں ممالک کے داخلے کو ویٹو کر دیا تھا، اور اس کے بجائے صرف فضائی راستے سے ان دونوں ممالک تک رسائی کی اجازت دینے کی تجویز پیش کی تھی۔
رومانیہ اور بلغاریہ 2007 سے یورپی یونین (EU) کے رکن ہیں۔
شینگن جو 1985 میں وجود میں آیاتھا، اس میں یورپی یونین کے 23 رکن ممالک اور ان کے ہمسایہ ممالک سوئٹزرلینڈ، ناروے، آئس لینڈ اور لیچٹنسٹائن شامل ہیں۔
