پاکستان تحریک انصاف فرانس کی جانب سے اپنے لیڈر عمران خان کی ہدایت پر 8 فروری کو مینڈیٹ چوری کی خلاف یوم سیاہ منایا گیا۔
جس میں اورسیز پاکستانیوں ، پارٹی رہنماوں کی کثیر تعداد نے بھر پور شرکت کی اور نا انصافیوں کے خلاف آواز بلند کی
پروگرام میں حاضرین سے سابقہ ڈپٹی اسپیکر قومی اسمبلی قاسم سوری ایم این اے NA 66 چوہدری احمد چٹھہ اور سیکٹری جنرل سینٹرل پنجاب چوہدری بلال اعجاز نے وڈیو لنک کے ذریعے خطاب کیا
ہال جعلی حکومت نا منظور
فارم 47 کی حکومت نا منظور اور سب کا جگری سب کا یار قیدی نمبر 804 کے نعروں سے گونج اٹھا
مقررین کا کہنا تھا کہ بانی پی ٹی آئی عمران خان سمیت بیگناہ پارٹی کارکنان کو فی الفور رہا کیا جائے پی ٹی آئی محب وطن اور جمہوریت پسند سیاسی جماعت ہے اور آئین پاکستان ہر شہری کو سیاست اور جمہوری جدوجہد کا حق فراہم کرتا ہے۔
وطن عزیز میں جمہوریت کو ایک تماشا بنا دیا گیا ہے 8فروری 2024 کو پاکستان کے انتخابات میں اسٹیبلشمنٹ نے الیکشن کمیشن کے ساتھ مل کر پورے انتخابی عمل پر ایسا شب ِ خون مارا کہ اس بدترین دھاندلی پر ناصرف یہ کہ پاکستان بلکہ پوری دنیا میں ایک شور مچ گیا لیکن پاکستان کے اداروں کو نہ احتساب کا خوف ہے اور نہ ہی قانون کا ڈر ہے
آج ایک سال بعد بھی محب وطن پاکستانی عوام دو ٹوک الفاظ میں اسٹیبلشمنٹ کی سرپرستی میں 8فروری 2024کے بد ترین دھاندلی زدہ انتخابات اور فارم 47والے حکمرانوں کو مسترد کرتی ہےاور مطالبہ کرتی ہے کہ حکومت فارم 45کی بنیاد پر انتخابات میں کامیابی حاصل کرنے والی جماعت پاکستان تحریک انصاف کے سپرد کی جائے ، ملک میں آئین ، قانون اور جمہوریت کی بالا دستی قائم کی جائے
بانی پی ٹی آئی عمران خان اور کارکنان کی رہائی تک محب وطن اوورسیز پاکستانی فارم 47 کے پیداواروں کے خلاف ہر فورم پر آواز اٹھائیں گے۔
