لاہور(ڈیسک نیوز) پنجاب انتخابات ، آج سے شروع ہونے والی پی ٹی آئی الیکشن مہم منسوخ ،کل یوم تاسیس سے باقاعدہ آغاز ہوگا،عمران خان بھی خطاب کرینگے۔ تفصیلات کے مطابق پاکستان تحریک انصاف نے آج سے لاہورمیں انتخابی مہم شروع کرنے کا گزشتہ روز اعلان کیا تھا تاہم اب لبرٹی چوک پر ہونے والا جلسہ بھی منسوخ کردیا گیا ۔
25 اپریل کو پاکستان تحریک انصاف کے 27ویں یوم تاسیس کے دن پنجاب میں الیکشن کمپین کا باضابطہ آغاز کیا جائے گا
صوبائی اسمبلی کے تمام ٹکٹ ہولڈرز اپنے اپنے حلقے میں ریلیاں نکالیں گے اور چئیرمین عمران خان کے خطاب کی سکریننگ کریں گے
— Azhar Mashwani (@MashwaniAzhar) April 23, 2023
آج سماجی رابطوں کی ویب سائٹ ٹوئٹر پر پارٹی چیئرمین عمران خان کے ترجمان اظہرمشوانی نے کہا کہ 25اپریل کو پاکستان تحریک انصاف کے 27ویں یوم تاسیس کے دن پنجاب میں الیکشن کمپین کا باضابطہ آغاز کیا جائے گا،،صوبائی اسمبلی کے تمام ٹکٹ ہولڈرزاپنے اپنے حلقے میں ریلیاں نکالیں گے،حلقوں میں ٹکٹ ہولڈرزکی ریلیوں کے دوران چئیرمین پی ٹی آئی عمران خان کے خطاب کی سکریننگ بھی کی جائے گی۔
